Almatyda qaladaǵy barlyq mekteptiń oqýshylary men muǵalimderi 6 myńnan astam kórkem ádebıet týyndysyna elektrondy jáne aýdıo formatta qol jetkizdi. Bul týraly Almaty qalasynyń ákimi Erbolat Dosaev pedagogterdiń qalalyq tamyz keńesinde málimdedi, dep habarlaıdy aqshamnews.kz
Shahar basshysy Almatyda sıfrlyq sheshimder balalarǵa arnalǵan bilim berý mazmunyn aıtarlyqtaı ózgertetin jáne jaqsartatyn birqatar jobanyń júzege asyp jatqanyn aıtty.
«Kitap.kz jobasy qala mektepteriniń oqýshylary men muǵalimderine elektrondy jáne aýdıo formattaǵy 6000-nan astam kórkem ádebıet týyndysyna qoljetimdilikti qamtamasyz etetin biregeı sıfrlyq kitaphana retinde óziniń tıimdiligin kórsetti», - dep Erbolat Dosaev sıfrlyq platformalar jańa bilim berý baǵdarlamalaryn ázirleýdiń jáne úzdiksiz oqytýǵa jaǵdaı jasaýdyń negizgi quralyna aınalyp otyrǵanyn jetkizdi.
Aıta keteıik, Almatyda 2024-2025 oqý jylynyń qarsańynda «Digital Kazakhstan: jańa zamandaǵy bilim berý» taqyrybynda pedagogtardyń qalalyq tamyz samıti ótip jatyr.
Samıt pedagogterdiń kásibı deńgeıin arttyrýǵa, bilim berý salasyndaǵy ozyq tájirıbe jáne jańa tehnologıa almasýǵa baǵyttalǵan.