Elordada er adamnyń kópqabatty úıdiń kireberisindegi esiktiń áınegin syndyryp, lıftke zaqym keltirgen, – dep habarlaıdy almaty-akshamy.kz Polisia.kz-ke silteme jasap.
Tergeý barysynda aryzdanýshy men kúdikti túngi ýaqytta karaoke klýbqa demalýǵa barǵany belgili bolǵan. İshimdik ishý saldarynan olardyń arasynda aýyzsha janjal týyndap, sodan keıin áıel taksı shaqyryp úıine ketken. Alaıda er adam janjaldy jalǵasytyrp, onyń sońynan qalmaı erip otyrǵan. Ol úıge jaqyndaǵanda birden kireberiske júgirip kelip, qolyndaǵy taıaqqa uqsas zatpen esiktiń áınegin syndyrǵansha qaǵa bastaǵan. Sodan keıin synǵan esik arqyly podezge kirip, lıftke de zaqym keltirgen.
Buzaqynyń bul áreketi beınebaqylaý kamerasyna túsip qalǵan.
Atalǵan fakti boıynsha Nura aýdandyq PB krımınaldyq polısıa bóliminiń qyzmetkerleri dereý buzaqynyń kim ekenin anyqtaýǵa jumylyp, jedel-izdestirý nátıjesinde 34 jastaǵy qala turǵynyn anyqtaǵan. Atalǵan fakti boıynsha QR Qylmystyq kodeksiniń 293-baby (Buzaqylyq) boıynsha sotqa deıingi tergeý amaldary júrgizilip jatyr. Er adam kinásin moıyndaǵan. Astana qalasy polısıa departamenti azamattarǵa bótenniń múlkine zıan keltirgeni úshin qoldanystaǵy zańnamaǵa sáıkes jaýapkershilikke qarastyrylatynyn eskertedi.