Almatyda Kabýlǵa kómektesetin hab qurylmaq
Aýǵanstanǵa gýmanıtarlyq kómek kórsetý týraly Qazaqstan bıliginiń usynysy BUU tarapynan qoldaý tapty, dep habarlaıdy Almaty-akshamy.kz.
Qazaqstannyń Birikken ulttar uıymy janyndaǵy turaqty ókili Maǵjan İlıasov hab qurýdy usynǵan bolatyn. Ol jerde Aýǵanstanǵa kórsetiletin halyqaralyq gýmanıtarlyq kómek saqtalyp, úlestiriletin bolady.
«Qazaqstan bastamasy BUU resmı ókilderiniń aldyn ala oń baǵasyn aldy. Búge-shigesi barlyq tarappen kelisilgennen keıin jan-jaqty talqylanatyn bolady», delingen Qazaqstan Syrtqy ister mınıstrliginiń RIA Novostı suraýyna jaýabynda.
Vedomstvo bul ıdeıa Aýǵanstanda gýmanıtarlyq apattyń aldyn alý boıynsha álem qaýymdastyǵyna qoldaý kórsetýge baǵyttalǵanyn habarlady.
«Bul hab Aýǵanstan ekonomıkasy quldyraýynyń, bosqyndar legi artýynyń jáne ózge gýmanıtarlyq saldardyń aldyn alýǵa sep bolar edi. Aýǵanstanǵa kómek úlestiretin halyqaralyq ortalyqqa aınala alady», - dedi mınıstrlikte.
Mınıstrlik kólik logıstıkasy tusynan da Almaty yńǵaıly ornalasqanyn atap ótti (ushaqpen Kabýlǵa deıin 3 saǵattan az). Buǵan qosa, tranzıttik hab uıymdastyrýǵa qajetti ınfraqurylym bar.