Jalpy, qorshaǵan ortanyń lastanýy qazir tutas álemdi alańdatyp otyr.
BUU ókilderi aýa quramyndaǵy zıandy bólshekterdiń koronavırýsqa qaraǵanda anaǵurlym qaýipti ekenin aıtady, dep habarlaıdy Almaty-akshamy.kz 24.kz-ke silteme jasap.
Bul derekke senbeske amal joq. Sebebi uıym keltirgen málimetke sensek, juqpaly vırýstan kóz jumǵandarǵa qaraǵanda, las sý men aýadan qaıtys bolǵandardyń sany kóp. Jalpy, nashar ekologıa jyl saıyn 9 mıllıon adamnyń ólimine sebep bolady eken.
«Qolda bar málimet boıynsha, koronavırýstan góri aýanyń lastanýynan kóp adam kóz jumady. Biraq, soǵan qaramastan, ekologıa máselesine jiti nazar aýdarylmaıdy. Adamdar jyldar boıy aýasy da, sýy da las ortada ómir súrýge májbúr», - deıdi BUU ókili Devıd Boıd.