Ata-ananyń perzenti aldyndaǵy jaýapkershiligi eki-úsh esege artty.
Sáıkesinshe, jyldan jylǵa balalar quqyqtary týraly zań da kúsheıip keledi, dep habarlaıdy Almaty-akshamy.kz
Eger bala quqyǵy buzylsa, burynǵydaı taraptardyń kelisimi degen sóz joq.
Birden jaýapqa tartylady. Al eki jyl buryn balalar quqyqtary týraly zańǵa tuńǵysh ret býllıng degen uǵym engizildi.
Endi, balaǵa kúshpen emes, sózben qysym kórsetkender de zań aldynda jaýap beredi.
«Ótken jyldyń jeltoqsan aıynda Memleket basshysynyń tapsyrmasyna sáıkes, Bala quqyqtary jónindegi konvensıanyń 3 fakúltatıvtik hattamasyn Qazaqstan ratıfıkasıalady. Bul nenin bildiredi?! Elimizdegi quqyqtyq deńgeıdegi, eń joǵarǵy deńgeıdegi máselesi sheshimin tappaǵan kez kelgen bala BUU-na óziniń shaǵymyn, quqyqtarynyń buzylýy týraly aryz, ıaǵnı ótinish bere alý múmkindigine ıe boldy», dedi QR Oqý-aǵartý mınıstrligi Balalardyń quqyqtaryn qorǵaý komıteti tóraǵasynyń orynbasary Joldas Batyrhan.