Budan buryn jańa jolaýshylar termınalynyń ashylýy qarsańynda Qazaqstan Respýblıkasynyń Prezıdenti Qasym-Jomart Kemeluly Toqaevtyń qatysqanyn habarlaǵanbyz.
2024 jyldyń 31 mamyrynda Almaty áýejaıy jańa halyqaralyq termınaldyń ashylýyna baılanysty jolaýshylarǵa úndeý jasady, dep habarlaıdy Almaty-akshamy.kz áýe aılaǵynyń baspasóz qyzmetine silteme jasap.
"Almaty halyqaralyq áýejaıy 2024 jyldyń 1 maýsymynda jańa halyqaralyq jolaýshylar termınalynda alǵashqy qonaqtardy qarsy alatynyn qýana habarlaıdy", - dep jazylǵan resmı aqparatta.
2024 jylǵy 31 mamyrda jańa jolaýshylar termınalynyń ashylýy qarsańynda Qazaqstan Respýblıkasynyń Prezıdenti Qasym-Jomart Kemeluly Toqaev Almaty halyqaralyq áýejaıynda boldy.
"Halyqaralyq Almaty áýejaıy" AQ prezıdenti Alp Er Týnga Ersoı seısmıkalyq jáne órt qaýipsizdigi talaptaryn saqtaı otyryp salynǵan halyqaralyq termınal 10 baldyq jer silkinisine tótep bere alatynyn habarlady. Jalpy aýdany 53,5 myń sharshy metrdi quraıdy. Jańa termınalda 50 tirkeý orny ornatylyp, zamanaýı qural-jabdyqtar satyp alyndy. Qoldanystaǵy termınaldy jóndeýdi eskere otyryp, áýejaıdyń jalpy ótkizý qabileti jylyna 14 mln jolaýshyǵa deıin artatyn bolady.
Barlyq halyqaralyq reıster jańa termınalǵa tolyq aýystyrylǵannan keıin eski termınal ishki reıster úshin paıdalanylatyn bolady. Sondaı-aq, qoldanystaǵy termınaldyń halyqaralyq standarttarǵa tolyq sáıkes bolýy úshin jóndeý jumystary júrgiziledi.
Jańa Halyqaralyq jolaýshylar termınaly boıynsha jobaǵa 200 mln. dollardan astam ınvestısıa salyndy. Termınaldyń qoldanystaǵy ǵımaratyna jáne áýejaıdyń ınfraqurylymyn damytýǵa aldaǵy ýaqytta kóp ınvestısıalar tartý josparlanyp otyr.
Barlyq halyqaralyq reıster jańa termınalǵa aýystyrylysymen aǵymdaǵy termınaldy jóndeý jumystary bastalady.
Áýejaıdyń jańa termınaly Ortalyq Azıada "Excellence in Design for Greater Efficiencies (EDGE)" baǵdarlamasy boıynsha sertıfıkattalǵan birinshi termınal bolady. Qurylysta Halyqaralyq azamattyq avıasıa uıymynyń usynymdaryna sáıkes joǵary sapaly oqshaýlaý materıaldaryn, sý únemdeý jabdyqtaryn jáne parnıktik gazdar shyǵaryndylaryn, shýdy, jaryqty, qaldyqtardy jáne aýanyń lastanýyn tómendetýdiń ozyq ádisterin paıdalaný esebinen resýrs tıimdiligi bóliginde halyqaralyq tájirıbe paıdalanyldy.
Jańa termınalda jolaýshylarǵa qolaıly jaǵdaı jasaý úshin ár qabatta ana men bala bólmeleri, múmkindigi shekteýli jandarǵa qajetti jaǵdaılar, balalarǵa arnalǵan oıyn alańy, sondaı-aq demalys bólmeleri, so-working aımaǵy, VR bólme, úı janýarlaryna arnalǵan dárethana sıaqty qosymsha jaǵdaılar qarastyrylǵan. Sonymen qatar, jaqynda jańa termınalda Qazaqstan avıasıasynyń murajaıy ashylatyn bolady.
Jańa termınal eskimen jer ústi ótkeli arqyly qosylǵan. Jańa úı-jaı jolaýshylarǵa ishki jáne halyqaralyq reısterden ǵımarattan shyqpastan aýysyp otyrý úshin jeńil qoljetimdilikti qamtamasyz etedi.
Jolaýshylardy qazirgi zamanǵy jáne yńǵaıly jaǵdaılarmen qamtamasyz etý úshin shekaralyq qyzmet jelisi boıynsha jańa termınalda ushyp ketý aımaǵynda 20 kabına, ushyp kelý aımaǵynda 32 kabına, Qazaqstan Respýblıkasynyń azamattary úshin ushyp ketý-ushyp kelý aımaǵynda avtomattandyrylǵan ótkizý júıesi boıynsha 4 birlik jabdyq, 4 bagaj taspasy, jolaýshylardyń yńǵaıly navıgasıasy úshin ınfokıoskalar ornatylǵan.
Jańa termınaldyń teleskopıalyq traptary borttyń kólemine baılanysty bir mezgilde jeti ushaqqa deıin qabyldaı alady.