Búgin BUU Bas Assambleıasy 152 eldiń birlesken avtorlyǵymen Ortalyq Azıa men Aýǵanstan úshin Ornyqty damý maqsattary jónindegi BUU-nyń aımaqtyq ortalyǵyn Almatyda ashý týraly qarardy konsensýs negizinde qabyldady, dep habarlaıdy aqshamnews.kz.
Bul mańyzdy sheshim Qazaqstannyń halyqaralyq arenadaǵy mańyzdy jetistikteriniń biri bolyp tabylady. Aqorda bul qarardyń qabyldanýyn elimizdiń syrtqy saıasattaǵy aıtarlyqtaı tabysy retinde atap ótti. Qazaqstannyń halyqaralyq yntymaqtastyq pen aımaqtyq turaqtylyqty nyǵaıtýǵa baǵyttalǵan bastamalary óz nátıjesin berýde.
Qazaqstan Prezıdenti, barlyq seriktesterine osy tarıhı oqıǵany qoldaǵandary úshin alǵys bildirip, aımaqtyq ortalyqtyń ashylýy Ortalyq Azıa men Aýǵanstan elderine ornyqty damý maqsattaryna jetýde úlken múmkindik beretinin atap ótti. Memleket basshysynyń pikirinshe, BUU-nyń Aımaqtyq haby halyqaralyq is-qımyldy úılestirýdiń mańyzdy alańyna aınalyp, aımaqtaǵy elder arasynda ózara túsinistik pen seriktestikti nyǵaıtýǵa yqpal etedi.
Qazaqstannyń bastamasymen ashylatyn bul ortalyq aımaqtyq damý men turaqtylyqty qamtamasyz etý úshin mańyzdy ról atqaratyn bolady. Ornyqty damý maqsattaryn iske asyrýda BUU men onyń seriktesteri arasyndaǵy tıimdi yntymaqtastyqtyń nyǵaıýy, sondaı-aq, Qazaqstannyń aımaqtaǵy jetekshi rólin aıqyndap otyr.