BUU-nyń Aýǵanstanǵa kómek kórsetý jónindegi mısıasynyń qyzmetkerleri Kabýlǵa qalaı qatynaıtyny aıtyldy.
Birikken ulttar uıymynyń Aýǵanstanǵa kómek kórsetý jónindegi mısıasynyń arnaıy ókili jáne basshysy Debora Laıons mısıa qyzmetkerleri Almatydan Kabýlǵa qalaı qatynaýy múmkin ekenin aıtty, dep habarlaıdy Almaty-akshamy.kz QazAqparat-qa silteme jasap.
«Biz Almatydan Aýǵanstanǵa tikeleı reıs jasaý úshin kelisimshart jasaı alamyz. Biraq qazir bul múmkin emes. Degenmen halyqaralyq qyzmetkerlerimiz Aýǵanstanǵa ushyp, bir-birin aýystyryp otyrýy úshin aldaǵy aılarda osyndaı dáliz qura alamyz dep úmittenemiz. Bul bizge Aýǵanstandaǵy jumysymyzdy jalǵastyrýǵa múmkindik beredi. Osylaısha qyzmetkerlerdi almastyryp otyrar edik», - dedi Debora Lıons Ortalyq komýnıkasıalar qyzmetinde ótken brıfıńte.
BUU ókili bul másele jýyq arada birjaqty sheshilýi múmkin degen oı aıtty.
«Kóbimiz koronavırýs ınfeksıasynyń saldarynan qashyqtan jumys isteýge úırenip qaldyq. Biz Kabýlmen óte tıimdi baılanys ornattyq, osy kezdesýden shyqannan keıin men Kabýlmen kóptegen máseleni sheshý úshin birqatar qońyraý shalýym kerek. Adamdardyń aýysymyn qamtamasyz etý úshin, árıne, reısterdiń bolýy óte mańyzdy jáne bul biz jumys isteıtin negizgi basymdyqtardyń biri bolady. Biz bul máselelerdi Dohamen de talqylap jatyrmyz», - dedi Birikken ulttar uıymynyń Aýǵanstanǵa kómek kórsetý jónindegi mısıasynyń arnaıy ókili.