Sot burynǵy Ádilet mınıstri Marat Beketaevtyń qamaýda ustaý merzimin uzartty.
Bul týraly Astana qalalyq sot ákimshiliginiń baspasóz qyzmeti málimdegen, dep habarlaıdy Almaty-akshamy.kz.
Eks-mınıstrdiń qamaýǵa alý merzimin uzartý týraly sheshim 15 mamyrda qabyldanǵan.
«Astana qalasynyń mamandandyrylǵan aýdanaralyq tergeý soty 2024 jylǵy 15 mamyrda kúdikti Beketaev M.-ǵa qatysty qamaýda ustaý túrindegi bultartpaý sharasyn 2024 jylǵy 21 maýsymǵa deıin uzartýǵa sanksıa bergenin habarlaımyz», delingen elordalyq sottyń habarlamasynda.
Osylaısha Beketaev keminde taǵy bir aı qamaýda bolady. Eske salaıyq, burynǵy mınıstr 2023 jyldyń qazan aıynda ustalǵan edi.
Sybaılas jemqorlyqqa qarsy qyzmettiń habarlaýynsha, Marat Beketaev talap etilmeıtin qyzmetterdi kórsetýge jyl saıynǵy kelisimshart jasaý arqyly úlestes kompanıanyń múddesin qoldap, memleketke úlken zıan keltirgen.
Marat Beketaev 2016-2022 jyldar aralyǵynda Ádilet mınıstri qyzmetin atqarǵan. 2022 jyldyń qańtarynan bastap Premer-mınıstrdiń keńesshisi qyzmetin atqardy. Ol bul qyzmetten 2022 jyldyń jeltoqsanynda bosatyldy, biraq bul týraly tek 2023 jyldyń aqpanynda belgili boldy.