Bıyl «Býrabaı» ulttyq parki aýmaǵynda jarty mıllıonnan astam kóshet otyrǵyzylady. Bul týraly QR Prezıdentiniń İs basqarýshysy Aıbek Dádebaev Telegram-daǵy jeke kanalynda jazdy, dep habarlaıdy Almaty-akshamy.kz
«Býrabaı» ulttyq parki aýmaǵynda orman otyrǵyzý bastaldy. Jas qaraǵaılar men qaıyńdar parktiń soltústik bóliginde salynyp jatqan Aqbura kýrortynyń terıtorıasynda otyrǵyzylady. Bıyldyń ózinde 65 gektar jerge 550 myńnan astam aǵash otyrǵyzý josparlanǵan», - dedi A.Dádebaev.
Málim etilgendeı, ekijyldyq tikpe kóshet «Býrabaı» memlekettik ulttyq tabıǵı parkiniń pıtomnıginde ósirildi.
«Ǵalymdarynyń aıtýynsha, bul aımaqtaǵy ormandardyń 65% qaraǵaı, 35% japyraqty aǵashtar quraıtyndyqtan, tańdaý dál osy túrlerge túsken.
Aǵash otyrǵyzyp, orman alqaptaryn ulǵaıtýǵa kez kelgen adam óz úlesin qosa alady. Ol úshin «Býrabaı» memlekettik ulttyq tabıǵı parkiniń keńsesine qońyraý shalyp (tel. 87163671897), kóshet otyrǵyzýǵa jazylý qajet. Bul aksıa tegin, tek bos ýaqytyńyz ben nıetińiz bolsa bolǵany. Orman - el dáýleti, jer sáýleti!» - dep jazdy A.Dádebaev.