Densaýlyq saqtaý mınıstrliginiń Kýrortologıa jáne medısınalyq ońaltý ǴZI «Býrabaı» emdeý-saýyqtyrý kesheni «Sapa juldyzy» ulttyq reıtıńiniń (Sapa belgisi) nusqasy boıynsha Qazaqstannyń úzdik 20 kásipornynyń qataryna endi.
Sonymen qatar, ınstıtýttyń fılıaly - Very Nice deńgeıindegi bedeldi «Sapa belgisine» ıe boldy, dep habarlaıdy aqshamnews.kz Densaýlyq saqtaý mınıstrligine silteme jasap.
Jyl saıyn Kazakh Tourism kompanıasy bul belgini týrızm ındýstrıasynyń joǵary standarttaryna sáıkes keletin uıymdarǵa tapsyrady. Bıylǵy jyly laýreattardyń qataryna eldiń týrısik bıznesiniń 89 jetekshi ókili kirdi, olardyń arasynda «Býrabaı» sanatorııi kesheni laıyqty oryn aldy.
Fılıal bronh-ókpe júıesiniń aýrýlaryn, sondaı-aq olarmen baılanysty júrek-qan tamyrlary, tirek-qımyl apparaty jáne nevrologıalyq buzylýlardy emdeýge mamandanǵan. Keshenniń qyzmeti sapaly medısınalyq kómek kórsetýge ǵana emes, sonymen qatar turaqty jáne eleýli nátıjelerge qol jetkizýge múmkindik beretin ońaltý tásilderin júıeleýge baǵyttalǵan.
«Býrabaı» ESK mamandary ázirlegen baǵdarlamalar joǵary tıimdilikti, ınovasıalylyqty jáne praktıkalyq qundylyqty kórsetedi. Pasıentter densaýlyǵyn jaqsartyp qana qoımaı, medısınalyq personaldyń keshendi tásili men biliktiliginiń arqasynda ómir súrý sapasyn jaqsartýǵa múmkindik alady.
QR DSM Kýrortologıa jáne medısınalyq ońaltý ǴZI halyqtyń densaýlyǵyn qalpyna keltirý jáne Qazaqstannyń medısınalyq jáne saýyqtyrý qyzmetteri salasyndaǵy bedelin nyǵaıtý boıynsha óz qyzmetin jalǵastyrýda.