Balalardyń emosıalyq jaı-kúıimen jumys isteý óte mańyzdy
Býllıngtiń ushyǵyp jatqan úrdisine qaramastan, áli de sheshimin tabýǵa bola, bul jóninde Óńirlik komýnıkasıalar alańynda psıhologıa magıstri, Qazaqstan psıhologtary qaýymdastyǵynyń múshesi, balalar psıhology, mektepterdegi daǵdarystyq jaǵdaılardy sheshý jónindegi maman Anastasıa Steblánko baıandady, dep habarlaıdy Almaty-akshamy.kz.
Onyń aıtýynsha, býllıngtiń sheshimi bar, bul rette balalardyń emosıalyq jáı-kúıimen jumys isteý óte mańyzdy.
«Qazirgi jasóspirimder bir-birimen qarym-qatynas qurýda túrli qıyndyqtarǵa tap bolady. Qıyn kezeńderde qalaı áreket etý kerektigin bilmeıtindikten, osy oraıda eresekter balalarǵa kómektesýi kerek. Jeke ortalyqta jasóspirimder arasynda ózin-ózi baǵalaý, emosıonaldy ıntellektti tanýǵa baǵyttalǵan arnaıy toptar uıymdastyrdym. Bul jasóspirimderge ózin tanyp, ózgeni túsinýge jáne qabyldaýǵa kómektesedi», - dep qosty spıker.
Psıhologtyń aıtýynsha, jasóspirimder qarapaıym quraldar men ómirdegi túrli jaǵdaılardyń mysaldary jáne olardy seziný arqyly qıyn jaǵdaılardan qalaı shyǵýǵa bolatyndyǵyn túsinedi.