Memleket basshysy Majarstan Premer-mınıstri Vıktor Orbandy I dárejeli «Dostyq» ordenimen marapattady
Prezıdent Qasym-Jomart Toqaev Majarstan Premer-mınıstri Vıktor Orbanǵa I dárejeli «Dostyq» ordenin tabys etti, dep habarlaıdy almaty-akshamy.kz
Memleket basshysy saltanatty rásim barysynda Vıktor Orbannyń ekijaqty qarym-qatynastardy damytýǵa jáne nyǵaıtýǵa eleýli úles qosqanyn atap ótti.
– Búgingi joǵary deńgeıdegi syndarly kelissózder bizdiń berik qarym-qatynasymyzdy tereńdetýge jáne strategıalyq seriktestikti jańa deńgeıge kóterýge tyń serpin berdi. Halyqtarymyz arasyndaǵy dostyq arqaýyn jáne ózara tıimdi baılanystardy nyǵaıtý isindegi aıryqsha rólińizdi eskere otyryp, Sizdi I dárejeli «Dostyq» ordenimen marapattaý týraly sheshim qabyldadym. Bul – zor qurmet pen rızashylyqtyń belgisi. Sondaı-aq Qazaqstan men Majarstannyń – dostas eki halyq birliginiń ári ózara senim men syılastyqqa negizdelgen qatynastardy nyǵaıtýǵa degen nıetimizdiń aıqyn kórinisi. Osy marapat yntymaǵymyzdy odan ári damytýǵa jáne ortaq ıgilik jolyndaǵy birlesken jumysymyzǵa septigin tıgizetinine senimdimin, – dedi Prezıdent.
Qazaqstannyń joǵary nagradasymen marapattaǵany úshin Vıktor Orban Qasym-Jomart Toqaevqa alǵys aıtyp, eki el arasyndaǵy strategıalyq seriktestikti odan ári nyǵaıtýǵa bar kúshin jumsaýǵa daıyn ekenin málimdedi.