Baıqaýǵa 35 jasqa deıingi 8 rejıserdiń qoıylymy qatysady.
Atap aıtqanda, Gúlnaz Balpeıisova, Meıram Habıbýllın, Anton Zaısev, Álibek Ómirbekuly baq synaıdy. Shaǵýan Úmbetqalıev, Anna Soı, Árıdash Ospanbaeva men Shyńǵys Jaqypbaıda bas júldeden úmitti, dep habarlaıdy Almaty-akshamy.kz 24.kz-ke silteme jasap.
İs-shara Ǵabıt Músirepov atyndaǵy Qazaq memlekettik akademıalyq balalar men jasóspirimder teatrynda ótip jatyr. Ashylý saltanatynan keıin kórermen nazaryna festıválden tys, rejıser Farhat Moldaǵalıdiń «Qulager» qoıylymy usynyldy. Jarystyń maqsaty jas mamandardyń sheberligin shyńdap, shyǵarmashylyq tájirıbe almasý. Jeńimpazdar altynshy qarashada anyqtalady.
«Qazirgi jastardyń qoltańbasy múldem bólek. Bólek degende bulardyń negizgi rejıserlik sheshimderiniń aýqymy óte keń. Óıtkeni qazir biz ınternet arqyly biz búkil álemdi kórip otyrmyz. Buryn shekteýli ǵana osy respýblıkalardyń, keńestik dáýirdiń tóńiregindegi dúnıelerdi kórip júretin bolsaq, qazir álemdi kórip otyrmyz», - deıdi rejıser Murat Ahmanov.