Qasym-Jomart Toqaev 82,5 paıyzben márege jetti.
Bul qıyn-qystaýly kezeńde óziniń jetekshilik qabilet-qarymyn halqyna dáleldeı alǵan tulǵaǵa bergen halyqtyń senimi. Osylaı degen memleket jáne qoǵam qaıratkeri Nurlan Orazalın qazaqstandyqtardy quttyqtady, dep habarlaıdy Almaty-akshamy.kz.
«Prezıdenttik saılaý bul joly asa qıyn, kúrdeli halyqaralyq jaǵdaı shıelinisken kezde, saıası ahýal Batys pen Shyǵys arasynda almaǵaıyp dáýir ótip jatqan tusta, jańa Prezıdentimizdi saıladyq. Tańdap aldyq. Qasym-Jomart Toqaev 82,5 paıyzben márege jetti. Bul - qıyn-qystaýly kezeńde óziniń jetekshilik qabilet-qarymyn halqyna dáleldeı alǵan tulǵaǵa bergen eldiń senimi. Jańa Prezıdent qutty bolsyn, aǵaıyn! Baı-qýatty memleketti damytý úshin, jańa Qazaqstannyń aýyr júgin ıyǵyna salyp, qaıyspaı kóterýge jazsyn deımiz», – dedi memleket jáne qoǵam qaıratkeri Nurlan Orazalın.