Almatyda tańǵy saǵat 7.00-den daýys berý bastaldy. Aıta ketsek, búgin №4 birmandattyq aýmaqtyq saılaý okrýgi boıynsha shyǵyp qalǵannyń ornyna Almaty qalasy máslıhaty depýtatyn saılaý naýqany júrip jatyr, dep habarlaıdy Almaty-akshamy.kz
Qalada daýys berý úshin barlyǵy 42 saılaý ýchaskesi ashylǵan. Ýchaskeler tańǵy saǵat 7.00-de jumys isteı bastady.
- Men búgin ýchaskem boıynsha birinshi bolyp daýys berippin. Meniń oıymsha, bul meniń azamattyq paryzym. Óıtkeni biz saılaý arqyly ózimizdiń jáne balalarymyzdyń bolashaǵyna tańdaý jasaımyz. Al bári mańyzdy ári durys tańdaýdan bastalady, - deıdi №85 saılaý ýchaskesiniń saılaýshysy Janna Raıymbekova.