Almatyda birmandatty aýmaqtyq saılaý okrýginen shyǵyp qalǵan máslıhat depýtattarynyń ornyna qalalyq máslıhaty depýtatyna saılaý bastaldy, dep habarlaıdy Almaty-akshamy.kz
Ýchaskeler tańǵy saǵat 7.00-de jumys isteı bastady. Ókinishke oraı, búgingi saılaý el tarıhynda birinshi ret Aza tutý kúnine tuspa-tus keldi. Sondyqtan barlyq ǵımaratta Kók baıraǵymyz túsirildi.
№82 jáne №85 ýchaskelerinde saılaý el Ánuranymen ashyldy.
- Bizdiń saılaý ýchaskemiz júz paıyz daıyn, qala turǵyndarynyń esh kedergisiz daýys berýine barlyq jaǵdaı jasalǵan. Biz bul naýqanda, ásirese, jastar belsendilik tanytady dep oılaımyz. Bizde saılaý prosesine alǵash ret qatysatyn 34 jas bar, - deıdi №82 ýchaskelik saılaý komısıasynyń tóraǵasy Vıktorıa Mýstaeva.
Barlyq saılaý ýchaskesinde de halyqtyń barlyq tobyna qolaıly bolý úshin erekshe nazar aýdarylǵan. Mysaly, kózi nashar kóretin azamattar úshin kandıdattardyń ómirbaıandyq derekteri bar aýdıorolıkter daıyndaldy.
- Qaýlyǵa sáıkes biz qajetti jaǵdaılardy jasadyq. Bul qulaqqaptar, stend, kompúter, lýpalar, arnaıy trafaretter, – deıdi búgingi naýqan týraly oıyn bólisken №85 saılaý ýchaskesiniń saılaý komısıasynyń tóraǵasy Ardaq Smaǵulova.
Jalpy, elde 2 oblystyq depýtat, 7 qalalyq depýtat jáne 12 aýdandyq máslıhattar depýtattary saılanady.