Mádenıet jáne sport mınıstri Asqat Oralov muraǵat salasyndaǵy ózekti máselege toqtaldy.
Onyń aıtýynsha, elimizde 20-ǵa jýyq memlekettik muraǵat ǵımaratyn salý qajet. Bul týraly Mádenıet jáne sport mınıstrliginiń keńeıtilgen alqa otyrysynda vedomstvo basshysy Asqat Oralov aıtty, dep habarlaıdy Almaty-akshamy.kz.
«Muraǵat salasyndaǵy ózekti másele – búkil el boıynsha muraǵat qoımalarynyń tolǵany. Máselen, búgingi tańda 500 myń birlikti saqtaýǵa arnalǵan 20-ǵa jýyq memlekettik muraǵat ǵımaratyn salý qajettiligi bar. Árıne, bul bastama vedomstvoaralyq jumys pen úılestirýdi talap etetini sózsiz. Bıylǵy jyly negizgi mindet – Indýstrıa jáne ınfraqurylymdyq damý mınıstrligimen ózara is-qımyl jasaı otyryp, jobalaý-smetalyq qujattamany ázirleý», - dedi Asqat Oralov.
Eske sala keteıik, ótken jyly tarıhı qujattardy túgendeý maqsatynda mamandar shet elderden Qazaqstanǵa 7 myńnan astam qujat ákelingen.