Qalada ótken jyly 4 myńǵa jýyq jol apaty bolǵan.
Almaty turǵyndary men qonaqtarynyń jaıly ári qaýipsiz ómir súrýiniń mańyzdy faktory – jol qaýipsizdigi. Ótken jyly qala joldarynda zardap shekkendermen 3826 jol-kólik oqıǵasy tirkelip, sonyń saldarynan 96 adam qaza taýyp, taǵy 4364 adam jaraqat alǵan, dep habarlaıdy Almaty-akshamy.kz Polisia.kz-ke silteme jasap.
«JKO, jol-kólik jaraqattary men ólim-jitim sanyn azaıtý maqsatynda biz jol-kólik oqıǵalaryna taldaý júrgizip jatyrmyz, onyń negizinde qaýipti aýmaqtarda patrúldeý kúsheıtilip, jol jaǵdaıyn jaqsartýǵa nusqamalar jasalýda, onyń ishinde baǵdarshamdar men jaıaý júrginshiler ótkelderin, jaryqtandyrýdy ornatý. Jol qozǵalysy erejesin buzýshylardy jaýapkershilikke tartý da tıimdi aldyn alý sharalarynyń biri sanalady. Ótken jyly 1 348 981 jol erejesin buzý deregi anyqtaldy. Mas kúıinde kólik júrgizgen 2225 adam ustaldy», – dedi Almaty qalalyq polısıa departamentiniń bastyǵy Arystanǵanı Zapparov.
Sondaı-aq sot sheshimimen 3 254 júrgizýshi kólik quraldaryn basqarý quqyǵynan aıyryldy. 2212 kólik júrgizýshisi ákimshilik qamaýǵa alyndy. Qala joldarynda 590 baǵdarsham, 45379 jol belgisi ornatylǵan. Qala boıynsha 1918 jaıaý júrginshiler ótkeli uıymdastyryldy.