Oklend tehnologıalyq ýnıversıtetiniń jáne Ýashıngton joǵarǵy oqý ornynyń densaýlyq kórsetkishi jáne densaýlyqty baǵalaý ınstıtýtynyń ǵalymdary búkil álemde ınsýlt alǵandar sanynyń artqanyn anyqtady, dep habarlaıdy aqshamnews.kz.
Bul jaıynda islam.kz portaly The Lancet Neurology merzimdi basylymyna silteme jasaı otyryp málim etedi.
1990 jyldan 2021 jylǵa deıin ınsýltke shaldyqqandar sany 70 paıyzǵa, al ınsýlttan qaıtys bolǵandar qarasy 44 paıyzǵa ósken. 2021 jyly ınsýlt júrektiń ıshemıalyq aýrýy men COVID-19-dan keıingi álemdegi ólim-jitimniń úshinshi sebebine aınaldy. Insýlt aýyrtpalyǵynyń ósýine yqpal etetin mańyzdy faktorlarǵa sarapshylar halyqtyń qartaıý prosesi men atalǵan derttiń aldyn alýǵa bolatyn qaýip faktorlary áseriniń artýyn jatqyzyp otyr. Bul baǵyttaǵy taldaý barysynda 1990–2021 jyldardy qamtıtyn Jahandyq aýyrtpalyq (GBD) zertteýiniń derekterin paıdalandy. Zertteýshiler dene salmaǵynyń joǵary ındeksi (BMI), qan qysymy, qan quramyndaǵy qant deńgeıi jáne aýanyń lastanýy sıaqty qaýip faktorlarynyń áserin de eskerdi. Artyq salmaq pen qan qysymy jáne aýanyń lastanýy ınsýlt alý qaterin arttyratyn negizgi faktorlarǵa aınalǵan.