Endi ádettegideı 2 emes, bir ǵana GOST faılynan turady.
Ol aýtentıfıkasıa úshin de, qol qoıý úshin de jaramdy, dep habarlaıdy Almaty-akshamy.kz
Qazaqstanda elektrondy sıfrlyq qoltańba berý tártibine qatysty qujatqa engiziletin ózgerister 30 sáýirden bastap kúshine enedi. Soǵan sáıkes, Qazaqstan QR ST GOST R 34.10-2015 krıptografıalyq standartyna kóshedi.
Jańa standart aıasynda qazaqstandyqtar 30 sáýirden bastap elektrondy sıfrlyq qoltańba alǵanda júıege kirýge arnalǵan AUTH RSA jáne qol qoıýǵa múmkindik beretin RSA faıldarynyń ornyna bir ǵana GOST faıly usynylady. Bul faıl atalǵan eki qyzmetti de júzege asyrýǵa múmkindik beredi.
Bul rette buǵan deıin alynǵan qos faıldy elektrondy sıfrlyq qoltańbany aýystyrýdyń qajeti joq ekenin eske salamyz. Olar belgilengen ýaqyty aıaqtalǵanǵa deıin jaramdy bolady.
"Búgingi kúni Ulttyq kýálandyrý ortalyǵy ashyq jáne jabyq kiltterin týyndatý RSA jáne MEMST 34.310-2004 algorıtmderinde júrgiziledi. Bul rette aqparattyq tehnologıalar men krıptografıalyq taldaý ádisteri úzdiksiz damýda, osyǵan baılanysty QR UKO MEMST 2015 jańa memleketaralyq krıptografıalyq standartyna kóshýdi júzege asyrýdy josparlap otyr. Barlyq buryn shyǵarylǵan tirkeý kýálikteri olardyń qoldanylý merzimi aıaqtalǵanǵa deıin saqtalatyn bolady", – delingen Ulttyq kýálandyrý ortalyǵynyń habarlamasynda.
Sondaı-aq, jańa MEMST 2015 algorıtmin qoldaý jańartylǵan NCALayer arqyly qamtamasyz etiledi. Jańa nusqa shyqqannan keıin, qoldanba avtomatty túrde paıdalanýshyǵa NCALayer jańartýdy usynady.