Qalada «Almaty – bizdiń ortaq úıimiz» naýqany aıasynda is-sharalar belsendi túrde jalǵasyp keledi.
Úshinshi kezeń «Bizdiń qala – bizdiń taý, ózen-kólder» osy jyldyń 22-28 sáýiri aralyǵynda ózender men sý aıdyndarynyń, saıabaqtardyń, skverler men taý bókterin tazartýǵa, sondaı-aq jasyl jelekti jappaı otyrǵyzýǵa arnaldy.
Ótken aptada ózen, kólder men sý aıdyndary («Esentaı», «Kishi jáne Úlken Almaty», «Qarǵaly», «Boraldaı», «Aqsaı», «Jarbulaq» «Tiksaı», «Qarasý», «Eremensaı», «Tastybulaq», «Keren qulaq» ózenderi, «Bekenbaı», «Ábilǵazy», «Botbaısaı», «Shybynsaı», «Terisbulaq», «Bedelbaı», «Saıran» jáne Áýejaı kólderi, Úlken Almaty kanaly, M2 jáne M1 kanaldary jáne t.b.) jaǵalaýlary jappaı tazartylyp, 2 680 adam qatysty. Bul jumysqa barlyǵy 408 birlik arnaıy tehnıka jumyldyrylyp, bir apta ishinde 20 120 tekshe metr qoqys shyǵaryldy.
Bıyl 19 sáýirde barlyq jalpy bilim beretin mektepte «Mektep aýlasynyń oazısi» landshafty dızaın festıvali ótti, onda 5-11 synyp oqýshylary 20 myńnan astam gúl, 430 jemis aǵashy jáne 200 týıa kóshetin otyrǵyzdy. Sol kúni Naýryzbaı aýdanynda 700-den astam adam, onyń ishinde qazaqstandyq estrada juldyzdary men Qazaqstan halqy Assambleıasynyń ókilderi 300 alma jáne 200 qaraǵash otyrǵyzdy.
Osy jyldyń 20 sáýirinde Býtakov shatqalynda «Medeý» memlekettik óńirlik tabıǵı saıabaǵynyń qoldaýymen eko-belsendiler men eriktiler 500 órik kóshetin otyrǵyzýdy uıymdastyrdy. Alataý aýdanynda Almaty qalasy máslıhatynyń depýtattary, «Generaldar keńesi» jáne «Ofıserler keńesi» respýblıkalyq qoǵamdyq birlestikteriniń ókilderi Keńes Odaǵynyń Batyry Saǵadat Nurmaǵambetovtyń 100 jyldyǵyna oraı 300 alma kóshetin otyrǵyzdy.
21 sáýirde órt sóndirý bólimderiniń 1000-nan astam qyzmetkeri irgeles aýmaqtardy tazalaýǵa shyqty. 22 sáýirde 100-ge jýyq etnomádenı birlestiktiń ókilderi «Iýjnyı» saıabaǵynyń aýmaǵyn tazalady. 23 sáýirde Naýryzbaı aýdanynda jalpy bilim beretin mektepterdiń aýmaǵyna 2 myńnan astam qyzǵaldaq otyrǵyzyldy.
«Jaqynyńa járdem ber» aksıasy jalǵasyp jatyr, onyń aıasynda múgedekter men jalǵyz turatyn zeınetkerlerge baq pen aýla aýmaǵyn tazalaýǵa, qorshaýlardy, oryndyqtar men baspaldaqtardy syrlaýǵa, aǵashtardy kesýge, qoqystardy shyǵarýǵa kómek kórsetiledi. Aksıaǵa 841 erikti qatysyp, búginde 128 azamatqa kómek kórsetildi.
«Almaty – bizdiń ortaq úıimiz» naýqanyna qala jastary belsendi qatysady. 93 myń adamdy qamtyǵan jastar birlestikteri 57 is-shara ótkizdi, 1,2 tonnadan astam qoqys jınaldy, 500 jasyl jelek otyrǵyzyldy, 9 tarıhı eskertkish pen 5 saıabaq sanıtarlyq maqsatta tazartyldy. Joǵary oqý oryndary (ál-Farabı atyndaǵy QazUÝ, ETÝ, Abylaı han atyndaǵy QazHQjÁTÝ, AEjBÝ, Abaı atyndaǵy QazUPÝ, L.B.Goncharov atyndaǵy QazAJI, QBTÝ, AGEÝ, ETÝ, ATÝ, S.D.Asfendıarov atyndaǵy QazUMÝ) stýdentteri 17 myń sharshy metr aýmaq abattandyrylyp, tazartyldy.
Naýqannyń úshinshi aptasynda «Taza qasbetter» aksıasy sátti ótti. 1600-den astam komersıalyq uıym, sonyń ishinde ónerkásiptik kásiporyndar, iri saýda ortalyqtary, BO, qonaq úıler, bazarlar, sýpermarketter, dárihanalar, azyq-túlik dúkenderi jáne t.b. óz nysandarynyń qasbetin tazartty, tereze men vıtrajdy jýdy, mańdaısha men bılbordty retke keltirdi, qoqystardy alyp tastady jáne irgeles aýmaqtardy abattandyrdy. Bıznes nysandarynan basqa komýnaldyq menshiktegi ákimshilik ǵımarattardyń (memlekettik nysandar) jáne jeke turǵyn úılerdiń (PIK jáne MIB kúshterimen) qasbeti tazartyldy.
Apta «Almaty – baq qala» jalpyqalalyq aksıasymen aıaqtaldy, is-shara barysynda 32 orynǵa 8,2 myńnan astam jasyl jelek otyrǵyzyldy, onyń ishinde 4515 jemis, 1090 japyraqty aǵash jáne 2600 buta.
Naýqan bastalǵaly (osy jyldyń 8 sáýirinen bastap) Almaty qalasynda 21 myńnan astam jasyl jelek otyrǵyzyldy (onyń ishinde 19 myń japyraqty aǵash jáne 2 myń buta), onyń ishinde «Jasyl aýla» aksıasy aıasynda qala turǵyndaryna 3 myń kóshet taratyldy. Joldardy retke keltirý maqsatynda qalanyń kóshe-jol jelisiniń magıstraldyq kóshelerinde aǵymdaǵy (shuńqyrly) jóndeý jumystary júrgizilýde. 28,7 myń sharshy metr asfáltbeton jabyny jóndeldi. 1765 aıaldama keshenin jýylyp, 4 525 oryndyq pen 7 562 qoqys jáshigi syrlandy, 896 konteıner alańy dezınfeksıalanyp, jýyldy, 310 baǵdarsham nysany jáne 3 679 jol belgileri kótergishteri syrlanyp, jýyldy. Jergilikti qoǵamdastyqtarmen birlesip 3 821 aýla aýmaǵy tazartyldy (qalada barlyǵy 4020 aýla).