Búgin - analar kúni. Álemniń 20-dan asa memleketi ataýly kúndi mamyrdyń ekinshi jeksenbisinde atap ótedi.
Bul mereke bıyl Qazaqstanda alǵash ret toılanǵaly otyr. Búginde elimizde erekshe bala tárbıelep otyrǵan jigerli analar da jeterlik, dep habarlaıdy Almaty-akshamy.kz.
Gúlsim Tólegenova 12 jyldan beri erekshe bala tárbıelep otyrǵan ana. Uly Ǵazızdiń ár qadamyn baqylaýda ustap, em-domyn turaqty jasap keledi. Úmitin esh úzbegen qaısar ana balasynyń saýyǵyp ketetinine de senimdi.
Gúlsim Tólegenova, qala turǵyny:
2011 jylǵa deıingi ómirim basqa, odan keıingi ómirim balany damytý. Biraq jumysymyzdy tastaǵan joqpyz. Aptekamyz boldy jumys istep jatyrmyz. Joldamysyz ekeýimiz grafık qoıdyq. Biz tútr, qyzmetshi degenderdi jaldamadyq. Ony almadyq. Sebebi, balamyzdy ózimiz qaraý kerek boldyq.
Búginde Ǵazızdiń jetken jetistigi kóp. Bochchadan halyqaralyq jarystarda top jaryp, úzdikterdiń qatarynan tabylyp júr. Al anasy múmkindigi shekteýli balany tárbıeleýdi ózine erekshe paryz sanaıdy.
Gúlsim Tólegenova, qala turǵyny:
Ýaqytty joǵaltpaı, erekshe bala keldi me?! Ony qabyldap, barlyq analyq mahabbatyńdy berip tez turǵyzyp jiberseń, reabılıtasıaǵa aparyp barlyq mahabbatyńdy tókseń bala degen tez turyp ketedi.
Al Gúlnár Iýldasheva ana men erekshe bala meıirimge muqtaj deıdi. Sondyqtan elimizde ınklúzıvti qoǵam ornatýdy jetildirý kerektigin aıtty.
Gúlnár Iýldasheva, qala turǵyny:
Eń alǵash balamnyń dıagnozyn estigende qıyn boldy. Biraq baladan bas tartý degen oıyma da kirip shyqpapty. Qazir ondaı ata-analar kóp. Sondyqtan olarǵa jan-jaǵyndaǵy adamdardyń qoldaýy aýadaı qajet. Qarjylaı emes. Bir aýyz jyly sózdiń ózi ana men bala arasynda mahabbatty kúsheıtedi. Men sonyń arqasynda erekshe balamdy aıaqqa turǵyzdym.
Erekshe bala tárbıelep otyrǵan analar búgingi ataýly kúnniń mártebesin áli de nyǵaıtý kerek dep esepteıdi. Sonda ǵana áıel ana bolýdyń mańyzdylyǵyn túsinip, qoǵam olardy tolyq qorǵaýǵa alatynyn aıtty.