Qalamger 1912 jyly Troıskidegi Ahýn Rahmanqulı medresesine túsedi. Osy kezden aqyńdyqqa den qoıyp, «Oqyp júrgen jastarǵa», «Tálipterge», «Endigi betalys», «Oqýdaǵy maqsat ne?», «Shyǵamyn tiri bolsam adam bolyp», t.b. óleńderin, «Zarlandym» atty uzaq ocherkin jazǵan, dep habarlaıdy aqshamnews.kz.
Osy tusta «Qamar sulý» romanyn jazýdy bastady. Ol ómir shyndyǵyn kórkem beıneleı kele, qazaq óleńiniń mazmunyn keńeıtti, syrǵa toly lırıkalyq jyrlar qaldyrdy. Kóptegen áńgime, ocherkter, ádebı-syn maqalalar jazdy, eki roman («Qamar sulý», «Kim jazyqty?»), tórt poemasyn («Tanystyrý», «Adasqan ómir», «Kedeı», «Aıtys») jarıalady. Qalamger «Qamar sulýda» áıel teńsizdigi máselesin kótere otyryp, dáýir shyndyǵyn áleýmettik turǵyda taldady. Toraıǵyrov shyǵarmalary – 20 ǵasyrdyń basyndaǵy qazaq qoǵamy shyndyǵyn, ondaǵy jańashyl oı-pikirdiń damýyn tanytatyn úlken mura.