Almaty qalasynyń Qylmystyq-atqarý júıesi departamentine qarasty №11 mekemede tárbıe bólimi qyzmetkerleriniń uıymdastyrýmen Adam quqyǵy kúni atalyp ótti.
Atalǵan is-sharaǵa Jetisý aýdany Prokýratýrasynyń aǵa prokýrory Nurasyl Orazǵalı jáne Almaty qalasy Ádilet departamenti ákimshilik bóliminiń bas mamany Erkin Bordahanov qatysty.
Kezdesýdiń maqsaty – jastarǵa quqyqtyq jaýapkershiliktiń mańyzdylyǵyn nasıhattaý. Sondaı-aq, quqyqtyq tárbıe týraly, kámeletke tolmaǵandar arasynda zań qaǵıdattaryn túsindire otyryp, olardyń bilimin jetildirý, jasóspirimderdiń jamandyqqa urynyp qalmaı, óz quqyǵyn qorǵaı alatynyn jáne qaýipsiz ortany ózderi de qalyptastyra alatynyn túsindirý.
«Bul kún – halyqaralyq adam quqyǵynyń tuńǵysh dúnıejúzilik aktisi. Qujatta alǵash ret árbir adamǵa qatysty negizgi quqyqtar men bostandyqtar 30 bap túrinde júıelenip kórsetildi. Deklarasıada ultyna, turatyn jerine, jynysyna, etnıkalyq shyǵý tegine, tiline, dinine nemese ózge de jaǵdaıyna qatysty qandaı da bir aıyrmashylyqsyz bárimizde bar negizgi quqyqtar men bostandyqtardyń keń tizbesi bekitilgenin. Demek, biz qandaı jaǵdaıda da eń quqylymyz, qorǵalýǵa tıispiz jáne zań men tártip alynda da jaýapkershilikti teń arqalaımyz», – dedi Ádilet departamenti ákimshilik bóliminiń bas mamany Erkin Bordahanov.