Aýa raıyna baılanysty eskertý jarıalandy
19 qarashada respýblıkanyń toǵyz oblysynda burqasyn, tuman, kóktaıǵaq kútiledi, dep habarlaıdy Almaty-akshamy.kz «Qazgıdromet» RMK-ǵa silteme jasap.
Soltústik Qazaqstan oblysynyń batysynda, ońtústiginde, shyǵysynda baıaý burqasyn kútiledi. Túnde jáne tańerteń oblystyń batysynda tuman túsedi. Batystan, soltústik-batystan jel soǵady, kúndiz oblystyń basym bóliginde jel ekpini 15-20 m/s. Petropavlda 19 qarashada kúndiz batystan, soltústik-batystan soǵatyn jel ekpini 15-20 m/s.
Mańǵystaý oblysynyń soltústik-batysynda, ońtústiginde, ortalyǵynda tuman kútiledi.
Batys Qazaqstan oblysynyń soltústiginde, shyǵysynda tuman, kóktaıǵaq bolady. Ońtústik-shyǵystan soǵatyn jel soltústik-batysqa aýysady, túnde oblystyń soltústik-batysynda ekpini 15-20 m/s jel kútiledi. Oralda túnde jáne tańerteń tuman, kóktaıǵaq bolady.
Aqmola oblysynyń ortalyǵynda baıaý burqasyn kútiledi. Oblystyń soltústiginde, shyǵysynda tumandy bolady. Ońtústik-shyǵystan soǵatyn jel soltústik-batysqa aýysady, kúndiz oblystyń soltústiginde, shyǵysynda ekpini 15-20 m/s jel soǵady.
Aqtóbe oblysynyń soltústiginde, shyǵysynda kóktaıǵaq kútiledi.
19 qarashada túnde Túrkistan oblysynyń taýly aımaqtarynyń keı jerlerinde qar aralas jańbyr jaýady. Batysta, ońtústikte, oblystyń taýly jáne taý bókterindegi aýdandarynda tuman túsedi. Ońtústik-batystan soǵatyn jel taý asýlarynda 15-20 m/s. Shymkentte 19 qarashaǵa qaraǵan túni keı jerlerde tuman túsedi dep kútilýde.
19 qarashada kúndiz Pavlodar oblysynyń soltústiginde, batysynda qar jaýady. Ońtústik-batystan ekpini 15-20 m/s jel soǵady.
Ońtústikte, Jambyl oblysynyń taýly aımaqtarynda tuman kútiledi. Ońtústik-shyǵystan soǵatyn jel ońtústik-batysqa aýysady. Tarazda 19 qarashada túnde jáne tańerteń tuman kútiledi.
Qostanaı oblysynyń soltústik jartysynda qar jaýyp, baıaý burqasyn kútiledi. Oblystyń ońtústiginde tuman túsip, kóktaıǵaq bolady.