Teledebat tórt raýndtan turady
11 qarashada saǵat 20:00-de «Habar» telearnasynyń tikeleı efırinde Ortalyq saılaý komısıasynyń uıymdastyrýymen Qazaqstan Prezıdenttigine kandıdattardyń jáne olardyń senimdi ókilderiniń qatysýymen televızıalyq debat ótedi, dep habarlaıdy Almaty-akshamy.kz.
Reglamentke sáıkes, teledebat tórt raýndtan turady.
Birinshi raýnd – «Saılaýaldy baǵdarlamanyń tanystyrylymy». Onda qatysýshylar saılaýaldy baǵdarlamasynyń negizgi baǵyt-baǵdaryn tanystyrady.
Ekinshi raýndta «Pikirsaıys sesıasy» ótedi. Onda ár qatysýshy ózi tańdaǵan eki oponentine bir-bir suraqtan qoıady.
Úshinshi raýnd - «Saılaýshylardyń suraqtary». 10 qarashaǵa deıin «Habar» agenttiginde «ÚMİTKERGE SURAQ QOI!» aıdarymen saılaýshylardan vıdeosuraqtar qabyldandy. Iaǵnı, azamattarǵa kez kelgen kandıdatqa óz suraqtaryn qoıýǵa múmkindik berildi. Olar uzaqtyǵy 1 mınýttan aspaıtyn suraq jazyp, ony debaty-2022@khabar.kz elektrondyq poshtasyna jiberdi. Saılaýshylardan kelgen suraqtar ishinen árbir kandıdatqa kezdeısoq bir suraqtan qoıylady. Efırde qoıylmaǵan vıdeosuraqtar kandıdattardyń shtabtaryna jaýap berý úshin jiberiledi.
Tórtinshi raýnd «Saılaýshylarǵa úndeý» dep atalady. Onda qatysýshylar saılaýshylarǵa arnalǵan óz úndeýlerin jasaıdy.