Aıda Balaeva qazaqstandyqtardy Otbasy kúnimen quttyqtady.
QR Aqparat jáne qoǵamdyq damý mınıstri Aıda Balaeva otandastaryn Otbasy kúnimen quttyqtady, dep habarlaıdy Almaty-akshamy.kz.
«Barshańyzdy búgingi keremet mereke – Otbasy Kúnimen shyn júrekten quttyqtaımyn!
Elbasymyzdyń usynysymen bastalǵan bul meıram búginde qoǵam bolyp uıysyp atap ótetin shyn mánindegi jalpyhalyqtyq merekege aınaldy. Otbasy – memlekettiń tiregi, qoǵamnyń ózegi. Ozyq qoǵamnyń qalyptasýy – úlgili otbasylar kóp bolýyna tikeleı baılanysty», - dedi A.Balaev.«Bıyl 30 jyldyq belesin baǵyndyryp otyrǵan Táýelsizdik jyldary ishinde elimizde otbasy ınstıtýty jańa úlgide jańaryp, ózindik jolyn anyqtady dep nyq senimmen aıta alamyz. Ár ulttyń mádenıeti men salt-dástúrin saqtap, damytýǵa múmkindik berip otyrǵan bizdiń kóp ultty, kópkonfessıaly qoǵamdaǵy otbasylarǵa ortaq biregeı qundylyq bar. Ol – birlik pen tatýlyq, tózimdilik pen turaqtylyq. Bunyń ásirese urpaq tárbıesindegi mańyzy pen orny óte zor. Sebebi qoǵamdyq mádenıettiń tamyry – úlgili otbasylyq tárbıeden bastalady, ozyq otbasylar qatary – ishki birligi men berekesi myqty qoǵamdy qurady», - dep atady mınıstr.
«Kúni keshe respýblıkalyq «Mereıli otbasy» ulttyq konkýrsynyń jeńimpazdaryn marapattadyq. Jyl saıyn uıymdastyrylatyn atalǵan baıqaý tutas qoǵamǵa úlgi bolatyn ónegeli otbasylar qatarynyń mol ekenin, eldiń bolashaǵynyń zor ekenin kórsetedi. Osyndaı otbasylar – erteńgi el basqaratyn zıaly azamatty da tárbıeleıdi, básekege qabiletti qoǵamdy da qalyptastyrady. Sondyqtan Otbasy merekesi barshańyzǵa qutty bolsyn! Denderińizge saýlyq, baıandy baqyt pen berekeli tatýlyq tileımin! Otbasylaryńyz aman bolsyn!», - dep jazdy facebook paraqshasynda.