«Qazgıdromet» RMK-sy maýsymnyń 21- kúngi kún raıy boljamyn jarıalady.
Qazaqstan aýmaǵynyń basym bóliginde kún áli de qubylmaly, atmosferalyq aǵyndardyń ótýine oraı jańbyr jaýyp, naızaǵaı oınaıdy, kúndiz eldiń soltústiginde, ońtústik-shyǵysyndaǵy taýly aýdandarda nóser jańbyr, soltústikte burshaq jaýady, sondaı-aq respýblıka boıynsha jel kúsheıedi. Tek shyǵysta, soltústik-batysta ǵana kún jaýyn-shashynsyz bolady, dep habarlaıdy Almaty-akshamy.kz,
Kúndiz Atyraý, Qyzylorda oblystarynda, Batys Qazaqstan, Aqtóbe, Mańǵystaý oblystarynyń batysynda, Túrkistan oblysynyń ońtústiginde, shóldi aýdandarynda, Ulytaý oblysynyń batysynda, ortalyǵynda qatty ystyq bolady, Abaı, Jetisý oblystarynda qatty ystyq kútiledi.
Aqtóbe, Almaty oblystarynda, Ulytaý oblysynyń soltústiginde, shyǵysynda, Abaı oblysynyń soltústiginde, Qaraǵandy oblysynyń batysynda, ortalyǵynda, Batys Qazaqstan oblysynyń batysynda, soltústiginde, ortalyǵynda, Aqmola oblysynyń batysynda, Shyǵys Qazaqstan oblysynyń ońtústiginde, Qyzylorda oblysynyń soltústik-shyǵysynda, Mańǵystaý oblysynyń batysynda, soltústik-shyǵysynda, Jetisý oblysynyń soltústiginde joǵary órt qaýpi saqtalady, Pavlodar oblysynyń shyǵysynda joǵary órt qaýpi kútiledi.
Atyraý, Túrkistan, Jambyl, Qyzylorda, Almaty, Ulytaý oblystarynda, Batys Qazaqstan oblysynyń ońtústik-batysynda, ońtústiginde, Aqtóbe oblysynyń batysynda, ońtústiginde, Qostanaı, Qaraǵandy, Abaı oblystarynyń ońtústiginde, Jetisý oblysynyń shyǵysynda, Mańǵystaý oblysynyń soltústiginde, ońtústik-shyǵysynda, ortalyǵynda tótenshe órt qaýpi saqtalady.