Bul kún álemniń barlyq elinde atap ótiledi.
Elimizdegi belsendi volonterler sany 240 myń, dep habarlaıdy aqshamnews.kz
Qazaqstanda volonterler qyzmeti jyl saıyn qarqyn alyp keledi. Elimizdegi belsendi volonterler sany 240 myńǵa, volonterler uıymdarynyń sany 740-qa, bastamashyl toptardyń sany 1800-ge jetti.
Ulttyq front-ofıs jáne 20 aımaqtyq front-ofıs volonterleriniń qyzmeti tıimdi júzege asyrylýda. Jyl saıyn 50-den astam volonterlik jobalar iske asyrylady.
2024 jyly 55 joba iske asyrylýda. Sondaı-aq volonterler bastamalaryn qoldaý maqsatynda 240 shaǵyn grant berildi.
Qazaqstanda volonterler joǵalǵan adamdardy izdeýge kóp qatysady. Olardyń sany 35 myńdy quraıdy. Bul qozǵalys eldegi eń iri bastama jáne 250-den astam bastamashyl topty, 80 tirkelgen izdestirý-qutqarý uıymyn qamtıdy.
Sondaı-aq, Qazaqstan basqa elderdiń volonterlik uıymdarymen de belsendi yntymaqtastyq ornatýda. Bul tájirıbe almasý jáne volonterliktiń ortaq mısıasyn júzege asyrý úshin mańyzdy. 2024 jyly jeti qazaqstandyq volonter BUU qurylymdarynda jumys isteý úshin Túrkıa, Kenıa jáne Taılandqa jiberildi.