Búgin, 26 maýsymda búkil álem zańsyz esirtki aınalymymen kúresý kúnin atap ótip jatyr dep habarlaıdy Almaty-akshamy.kz Densaýlyq saqtaý mınıstrliginiń baspasóz qyzmetine silteme jasap.
Bul ataýly kún 1987 jyly BUU Bas Assambleıasynyń óz qyzmetin kúsheıtýge jáne nashaqorlyqsyz álemdik qoǵam qurýǵa degen sheshimimen bekitildi.
Bul kún qoǵamnyń nazaryn nashaqorlyqtyń jahandyq problemasyna, onyń saldary men ony jeńýge baǵyttalǵan kúsh-jigerge arnalǵan.
Nashaqorlyq jáne olardyń zańsyz aınalymy búkil álem boıynsha mıllıondaǵan adamnyń densaýlyǵy men ál-aýqatyna úlken áser etedi. Halyqaralyq esirtkini teris paıdalanýmen kúres kúni ony sheshý úshin birlesken kúsh-jigerdiń qajettiligin eske salady.
Statısıkaǵa sáıkes sońǵy bes jylda esirtkige táýeldi pasıentterdiń sany azaıdy. 2022 jyly esirtkini qoldanǵan 17 085 pasıent dınamıkalyq baqylaýda boldy. Búgingi tańda 18 myńnan astam pasıent dınamıkalyq baqylaýda.
Ókinishke qaraı, jańa psıhoaktıvti sıntetıkalyq zattarǵa qumar naýqastardyń sany kúrt ósken. Mysaly, 2018 jyly elde sıntetıkalyq esirtki qoldanǵan 147 turǵyn dınamıkalyq baqylaýda bolsa, qazir olardyń sany – 731.
Qazaqstanda 76 emhana men aýdandyq aýrýhanada 212 psıholog kabıneti jumys isteıdi. Sonymen qatar, 2016 jyly Qazaqstanda jylyna 30 psıhıatr, narkolog-maman oqytyldy. Qazir bilim granttaryn alǵan 152 rezıdent joǵary oqý oryndarynda oqıdy. Sońǵy jeti jylda psıholog-mamandardyń, narkologtardyń sany 15-20%-ǵa ósti.
Elimizdiń stasıonarlyq kómek ortalyqtarynda 3 747 tósek bar. Onyń ishinde 270 tósek medısınalyq-áleýmettik saýyqtyrýǵa arnalǵan. Ótken jyldyń basynda elimizde 6 saýyqtyrý bólimshesi jumys isteı bastady, al jyl sońyna qaraı 13 óńirde saýyqtyrý bólimshesi ashyldy.