Naýqastarǵa barlyq qamqorlyqtyń 80%-yn orta medısına qyzmetkerleri atqarady
Jyl saıyn 12 mamyrda Florens Naıtıngeıl usynǵan Halyqaralyq meıirger kúni atap ótiledi. Ol meıirger isiniń negizin qalaýshy bolyp sanalady, ol qoǵamdyq sanada jáne meıirgerdiń qoǵam densaýlyǵyndaǵy róli men orny týraly kózqarastarda tóńkeris jasady. Búginde bul kásiptik mereke 50-den astam elde, onyń ishinde Qazaqstanda da atap ótiledi, dep habarlaıdy Almaty-akshamy.kz.
Meıirgerlerdiń densaýlyq saqtaý júıesindegi róli jyl saıyn mańyzdy bola túsýde. Ýaqyt talaptaryna sáıkes orta medısına qyzmetkerleriniń emdeý prosesine qatysýy artyp keledi, pasıenttiń densaýlyǵy úshin kásiptik jaýapkershilik sıaqty fýnksıonaly keńeıýde. Shynynda da, naýqastarǵa barlyq qamqorlyqtyń 80%-yn orta medısına qyzmetkerleri atqarady.
Meıirgerler densaýlyq saqtaý júıesindegi eń kóp kásiptik toptardyń birin quraıdy. Búginde Qazaqstannyń medısınalyq uıymdarynda 188 myńnan astam, aýylda 54 myńnan astam, bastapqy býyn deńgeıinde 65 myń orta medısına qyzmetkeri jumys isteıdi.
Sonymen qatar, bolashaq orta medısına qyzmetkerlerin daıarlaýmen 91 medısınalyq kolej aınalysady, onyń 24-i memlekettik jáne 67-si memlekettik emes, 37-si «joǵary» medısınalyq kolej mártebesine ıe. 2022 jyldyń derekteri boıynsha kolejderde 103 myńnan astam stýdent oqıdy, memlekettik bilim berý tapsyrysy boıynsha 23 400 bilim alýshy oqýǵa tústi. Qazaqstandyq kolejder 9 mamandyq boıynsha: emdeý isi, akýsherlik is, meıirger isi, stomatologıa, ortopedıalyq stomatologıa, gıgıena-epıdemıologıa, zerthanalyq dıagnostıka, farmasıa, medısınalyq optıka boıynsha daıarlaıdy. Qazaqstannyń barlyq óńirlerinde mereke qarsańynda forýmdar, ǵylymı-praktıkalyq konferensıalar ótkizilýde, onda meıirgerler, akýsherler, feldsherler, zerthanashylar túrli taqyryptarda baıandamalar jasaı otyryp qatysýda, sondaı-aq QR Densaýlyq saqtaý mınıstrliginiń tósbelgilerin, medaldaryn, gramotalaryn jáne alǵys hattaryn alady,onyń ishinde «Eńbek ardageri» - 15, «Densaýlyq saqtaý isiniń úzdigi» - 30, «Densaýlyq saqtaý isine qosqan úlesi úshin» - 27, «Qurmet gramotasy»- 96 jáne «Alǵys hat» - 98.