Erekshe kún!
Jyl saıyn 29 shildede búkil álemde Halyqaralyq jolbarystar kúni retinde atalyp ótiledi, dep habarlaıdy Almaty-akshamy.kz. Ria.ru saıtyna silteme jasap.
Bul mereke 2010 jyly osy jyrtqysh ańnyń popýlásıasyn saqtaý problemalaryna arnalǵan Sankt-Peterbýrgtegi «Tiger Summit» halyqaralyq forýmynda bastama bolyp kóterilgen. Forýmǵa jolbarystar mekendegen 13 eldiń ókilderi qatysty. Nátıjesinde 2022 jylǵa deıin jabaıy tabıǵatta jolbarystardyń sanyn kóbeıtýdi kózdeıtin «Jolbarysty qalpyna keltirýdiń jahandyq baǵdarlamasy» quryldy.
Jolbarys (Panthera tigris) - mysyq tuqymdas sútqorekti janýar. Onyń denesiniń uzyndyǵy 290 santımetrge, quıryǵy 100 santımetrge deıin, salmaǵy 250 kılogramǵa deıin jetedi. Analyqtary atalyqtaryna qaraǵanda sál kishirek keledi. Jolbarystar kóbine Reseıdiń Qıyr shyǵysynda, Qytaıda, Úndiqytaıda, Ortalyq jáne Ońtústik-SHyǵys Azıada, Úndistanda taralǵan. Tropıkalyq ormandardy, bambýk qalyńdyǵyn, qurǵaq savannalardy, taýly jerlerde 3000 metrge deıin kóterilip, soltústiginde taıga men ormandy dala aımaqtarynda mekendeıdi. Ol negizinen tańerteń jáne keshke belsendi bolady. Jaqsy júzedi. Janýarlar jeke aýmaqtarda jalǵyz ustalady. Ań aýlaý kezinde olar bıiktigi 5 metrge, uzyndyǵy 10 metrge deıin sekiredi. Ol saǵatyna shamamen 60 shaqyrym jyldamdyqpen júgire alady.
Bizge belgili jolbarystardyń toǵyz kishi túrleri bar. Olardyń tek altaýy osy kúnge deıin saqtalǵan.
Halyqaralyq jolbarystar kúni BUU jabaıy tabıǵat qylmystaryna tózbeýshilik saıasaty negizinde júrgiziledi. Sondaı-aq álemdik qaýymdastyq janýarlardy qorǵaý jáne olardyń mekendeý ortalaryn qalpyna keltirý sharalaryn nasıhattaýǵa shaqyrady.
Bul kúni kórmeler, qaıyrymdylyq konsertteri, haıýanattar baǵyna ekskýrsıalar, tanymdyq sharalar ótkiziledi. Sonymen birge sırep bara jatqan janýar týraly taqyryptyq radıo jáne teledıdar baǵdarlamalary taratylady.