Kesh Qazaqstan ýaqyty boıynsha saǵat 15:00-de bastalady
9 sáýirde Saıtamada (Japonıa) qazaqstandyq Gennadıı Golovkın (41-1-1, 36) men japonıalyq Rıota Mýrata (16-2, 13 KO) arasynda orta salmaqtaǵy IBF/WBA Super tıtýldary sarapqa salynatyn kásipqoı boks keshi ótedi, dep habarlaıdy Almaty-akshamy.kz.
Prosports.kz portalynyń málimetinshe, kesh Qazaqstan ýaqyty boıynsha saǵat 15:00-de bastalady, al Golovkın – Mýrata jekpe-jegi Nur-Sultan ýaqytymen 18:10-de ótedi. Degenmen jankúıer qaýym teledıdar aldyna erterek jaıǵasqany jón, óıtkeni anderkardtaǵy keıbir jekpe-jek merziminen buryn aıaqtalýy múmkin.
Sonymen qatar, kesh aıasynda álem chempıony ataǵy sarapqa salynatyn taǵy bir kezdesý ótedi. Japonıalyq Dzúnto (22-0, 17 KO) eń jeńil salmaqtaǵy WBO tujyrymy boıynsha álem chempıony ataǵyn otandasy Rıota Iamaýchıge (8-1, 7 KO) qarsy qorǵaıdy.
Saıtamadaǵy boks keshin Qazsport jáne Qazaqstan arnalary tikeleı efırde kórsetedi. Jekpe-jekti Qazaqstan TV mobıldi qosymshasynan da kóre alasyz.