Naızaǵaı oınap, daýyl soǵady
13 shildede elimizdiń jeti oblysynda aptap ystyq bolyp, kún kúrkireıdi, dep habarlaıdy Almaty-akshamy.kz «Qazgıdromet» RMK-ǵa silteme jasap. Kúndiz Qyzylorda oblysynyń ortalyǵynda daýyl soǵady. Soltústik-shyǵystan jel soǵady, oblys ortalyǵynda jyldamdyǵy 15-20 m/s jetedi. Oblystyń basym bóliginde tótenshe órt qaýpi saqtalady. Qyzylordada tótenshe órt qaýipi saqtalady. Almaty oblysynyń ońtústiginde jáne taýly aýdandarynda naızaǵaı oınaıdy. Soltústik-shyǵystan jel soǵyp, kún kúrkiregen kezde ekpini 15-20 m/s jetedi. Konaev pen Almatyda 13 shildede kúndiz naızaǵaı oınaıdy. Kúndiz Atyraý oblysynyń basym bóliginde 35-39 gradýs ystyq, oblystyń ońtústiginde 42 gradýsqa jetedi. Oblystyń basym bóliginde tótenshe órt qaýpi saqtalady. Atyraýda kúndiz 37-39 gradýs ystyq. Túrkistan oblysynyń taýlarynda naızaǵaı oınap, burshaq jaýady. Oblystyń soltústiginde daýyl turady. Soltústik-shyǵystan soqqan jel oblystyń soltústiginde, taýly aýdandarda 15-20 m/s jyldamdyqpen soǵady. Kúndiz Batys Qazaqstan oblysynyń batysynda naızaǵaı oınap, burshaq jaýady. Ońtústik-shyǵystan soltústik-batysqa aýysatyn jeldiń ekpini kún kúrkiregen kezde 15-20 m/s jetedi, oblystyń basym bóliginde 35-39 gradýs ystyq, oblystyń ońtústiginde 42 gradýs ystyq bolady dep boljandy. Oralda kúndiz 38 gradýs ystyq bolady. 13 shildede kúndiz Pavlodar oblysynyń soltústiginde naızaǵaı oınaıdy. Soltústikten soqqan jeldiń naızaǵaı kezindegi ekpini 15-20 m/s. Kúndiz Qostanaı oblysynyń ońtústiginde aýa temperatýrasy 36 gradýsqa deıin jetedi. Batysta, oblys ortalyǵynda joǵary órt qaýpi saqtalady.