Búgin elimizdiń eki qalasynda jaısyz meteorologıalyq jaǵdaı qalyptasyp, aýa lastanady, dep habarlaıdy Almaty-akshamy.kz «Qazgıdromet» RMK-nyń resmı saıtyna silteme jasap.
«2023 jylǵy 20 aqpanda Almaty jáne Aqtaý qalalarynda qolaısyz meteorologıalyq jaǵdaılar kútiledi», - delingen habarlamada.
Qalǵan qalalarda aýa sapasy normadan aspaıdy.
Qolaısyz meteorologıalyq jaǵdaı - atmosferalyq aýanyń betki qabatynda zıandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.