Ushyrylýy keıinge qaldyrylǵan «Soıýz MS-23» kemesin ǵaryshqa jiberý týraly sheshim qabyldandy, habarlaıdy Almaty-akshamy.kz QazAqparatqa silteme jasap.
Halyqaralyq ǵarysh stansasynyń quramyna kiretin eki reseılik kemelerdiń buzylýynan keıin "Roskosmos" komısıasy jańa «Soıýz MS-23» ǵarysh kemesin ushyrý aldynda tótenshe jaǵdaılardyń barlyq yqtımal sebepterin tekserýge ýaqyt bólgendikten, ushyrý keıinge qaldyrylǵan.
«11 aqpanda halyqaralyq ǵarysh stansasynda bolǵan «Progres MS-21» júk kemesi jylýdy basqarý júıesindegi qysymdy tómendetkennen keıin "Roskosmos" kásiporyndarynyń mamandary alynǵan telemetrıalyq aqparat pen kemeniń syrtqy betiniń sýretterin muqıat taldady. Sondaı-aq olar Baıqońyrdyń 254-shi ýchaskesiniń montajdaý-synaq korpýsynda ornalasqan «Soıýz MS-23» ǵarysh kemesindegi radıatordy egjeı-tegjeıli tekserip, odan eshqandaı aqaý tapqan joq», - dep habarlaıdy "Roskosmostyń" baspasóz qyzmeti.
Nátıjesinde bas konstrýktorlar keńesi memlekettik komısıaǵa iske qosýdy usyndy. «Soıýz-2.1a» zymyran-tasymaldaǵyshyn «Soıýz MS-23» ushqyshsyz ǵarysh kemesimen ushyrý 2023 jylǵy 24 aqpanda Astana ýaqyty boıynsha saǵat 06:34-te Baıqońyr ǵarysh aılaǵynyń 31-shi alańynan ushyrylady dep josparlanǵan.