Qazaqstan – birneshe ult ókiliniń basyn biriktirip otyrǵan memleket
1 naýryz barsha qazaqstandyqtar Alǵys aıtý kúnin atap ótedi, dep habarlaıdy Almaty-akshamy.kz.
2016 jylǵy 14 qańtardaǵy Prezıdent Jarlyǵyna sáıkes, Qazaqstan halqy Assambleıasy qurylǵan 1 naýryz – Alǵys aıtý kúni» dep jarıalandy.
Osylaısha sol jyldan bastap elimizde Alǵys aıtý kúni halyq meıramy retinde atalyp ótedi. Qazaqta «qarǵys alma, alǵys al» degen sóz bar. Adamnyń shynaıy rızashylyǵyna bólený rýhanı dem beredi.
Qazaqstan – birneshe ult ókiliniń basyn biriktirip otyrǵan memleket. Alǵys aıtý kúni - sonyń kýási. Sebebi bul kúni qazaqstandyqtar ultyna, dini men jas ereksheligine qaramastan, bir-birine alǵys aıtady.
Osy merekede biri ata-anasyna alǵys aıtyp jatsa, ekinshisi Otany men buqara jurtqa yqylasyn bildirip jatady. Sonymen qatar ataýly meıram kúni barlyq óńirde túrli formattaǵy mádenı jáne buqaralyq is-sharalar uıymdastyrylady.
Qazaqstan halqy Assambleıasynyń aqparatyna sáıkes, búgin merekege oraı elordadaǵy Dostyq úıinde respýblıkalyq telekópir ótkizý josparlanyp otyr. Oǵan elimizdegi barlyq Dostyq úıinen 400-den astam adam qatysady dep kútilýde.
Odan bólek, dástúrge saı Memleket basshysy otandastarymyzdy Alǵys aıtý kúnimen quttyqtaıdy.