Týrısik maýsym qyzyp tur
Shamamen 130 myń gektar aýmaqty alyp jatqan Ulttyq parktiń florasy men faýnasyn saqtaý jolynda 516 maman eńbek etip keledi. Prezıdenttiń İs basqarýshysy Aıbek Dádebaev park ujymyn ataýly kúnmen quttyqtady, dep habarlaıdy Almaty-akshamy.kz QazAqparat-qa silteme jasap.
«Tamyz aıynda parkte jumystyń qyza túsetini sonshalyq, merekeni toılaýǵa da qol tımeıdi. Qyzmetkerler kúndiz-túni jumysta. Kókoraıly jerdiń aýmaǵy shamamen 130 myń gektar ekenin eskersek, flora men faýnany saqtaý ońaı sharýa emes ekeni aıtpasa da túsinikti. Kóshet otyrǵyzý, janýarlardyń qysqy azyǵyn daıyndaýdan bólek, qaýipsizdikke jiti mán berýge týra keledi.
Dál qazir týrısik maýsymnyń qyzǵan shaǵy, tártipti qadaǵalaý kerek. Osy jazda kásiporyn qyzmetkerleri 16 órttiń aldyn aldy. Oǵan qosa, jyl basynan beri park aýmaǵynan 715 tonnadan astam, týrıser kóptep keletin shilde aıynyń ózinde 292 tonna qoqys shyǵaryldy.
Ulttyq parkte 516 óz isiniń bilgiri jumys isteıdi. Orta eseppen alǵanda olardyń eńbek tájirıbesi 10 jyldan asady. Ábdirahmanovtar, Ábildınovter, Dorogovtar, Krasnoýsovtar, Mahmetovter, Omarovtar, Rahmatýllınder áýleti úshin bul jumys – atakásip. Mereke Bekahmetov, Vladımır Kansev, Aleksandr Makarenko, Qabdrashıt Mahmetov jáne basqa da qyzmetkerler qurmetti eńbek ardageri qatarynda.
Tabıǵı murany qyzǵyshtaı qorǵap, keıingi býynǵa amanattaı bilgen eren eńbekterińiz úshin Sizderge rızashylyǵymdy bildiremin! «Býrabaı» MUTP barsha ujym múshelerine myqty densaýlyq, mol tabys jáne baq-bereke tileımin!» - dep jazdy Aıbek Dádebaev telegram kanalynda.