Beıjińde Aq Olımpıadanyń alǵashqy irikteý syndary bastalady, dep habarlaıdy Almaty-akshamy.kz
Olımpıada oıyndarynyń resmı ashylý rásimi 4 aqpanǵa josparlanǵan. Alaıda, búgin kerlıng, shaıbaly hokeı, frıstaıl syndy sport túrlerinen alǵashqy irikteý jarystary bastalady. Al 3 aqpan kúni qazaqstandyq frıstaılshylar jarys alańyna shyǵady.
Esterińizge sala ketsek, frıstaıl-mogýldan Olımpıadaǵa Qazaqstannan Iýlıa Galysheva, Aıaýlym Ámrenova, Olesá Graýr, Anastasıa Gorodko, Dmıtrıı Reıherd jáne Pavel Kolmakov joldama jeńip alǵan bolatyn.
Sondaı-aq, XXIV qysqy Olımpıada oıyndaryna Qazaqstan quramasynan barlyǵy 34 sportshy qatysady, olar 87 joldamany jeńip aldy. Tórtjyldyq dodanyń ashylý saltanaty Nur-Sultan ýaqytymen 4 aqpan kúni, saǵat 17:55-te bastalady.
Olımpıadanyń saltanatty ashylý rásiminde elimizdiń baıraǵyn bıyl alǵash ret bir emes, eki sportshy alyp shyǵady. Onyń biri – short-trekten Qazaqstan quramasynyń kóshbasshysy Abzal Ájiǵalıev bolsa, ekinshisi – kónkıshi Ekaterına Aıdova. Ekeýi de - quramadaǵy tájirıbeli, júldege talasýǵa múmkindigi joǵary sportshylar.