Qalamgerdiń «Ótken kúnder» atty tuńǵysh óleńder jınaǵy 1914 jyly jaryqqa shyqty.
Budan bólek «Asaý tulpar» óleńder jınaǵy, «Baqyt jolyna», «Qyzyl suńqarlar» atty pesalary, «Dombyra», «Ekspress», «Turmys tolqynynda» atty poetıkalyq jınaqtary jaryq kórgen. Jańashyl aqyn poezıa men dramatýrgıaǵa kóp jańalyqtar engizdi. Óleńniń túri men mazmunynda túbegeıli ózgeris jasap, qazaq halqynyń poetıkalyq dástúrin damytty.
Jazýshy «Aqsaq kıik», «Aqqýdyń aırylýy» shyǵarmalarynda týǵan dalanyń tabıǵatyn, adamnyń ishki sezim-kúılerin sýretteıdi. Qalamgerdiń pýblısısıka salasynyń damýyna qosqan eńbegi zor. Qazaqtyń eski ádebıet nusqaýlaryn jınaý, zertteý, bastyrý isimen de shuǵyldandy. Onyń qatysýymen «Qazaqtyń eski ádebıet nusqaýlary», «Batyrlar», «Aqan seri - Aqtoqty», «Láıli - Májnúnniń» qazaqsha aýdarmasy jaryq kórdi.