50 elden 100-den astam delegasıa qatysady
Búgin elordada Álemdik jáne dástúrli dinder lıderleriniń VII sezi jumysyn bastaıdy, dep habarlaıdy Almaty-akshamy.kz.
Eki kúnge sozylatyn sezge 50 elden 100-den astam delegasıa, onyń ishinde ıslam, hrıstıan, býddızm, ıýdaızm, ındýızm, daosızm, zoroastrızm, sıntoızm dinderiniń ókilderi, sondaı-aq saıası jáne qoǵam qaıratkerleri, halyqaralyq uıymdar músheleri kelgen.
Dinı forýmǵa Rım Papasy Fransısk, Ál-Azhardyń Joǵarǵy ımamy Ahmed Mohammed Ahmed at-Taıeb, Ierýsalım Patrıarhy III Teofıl, Ashkenazdyń bas ravvıni Davıd Laý, Izraıldiń Bas sefard ravvıni Ishak Iosıftiń jáne basqa da dinı jetekshiler, sondaı-aq birqatar halyqaralyq uıymnyń ókilderi qatysady.
Keshe keshke Rım Papasyn elorda áýejaıynan Prezıdent Qasym-Jomart Toqaev kútip aldy.
Keıinnen Qazaqstan Prezıdenti men Rım Papasy Fransısk Aqordada ekijaqty kezdesý ótkizdi . Aıta keterligi, Rım Papasy Fransısktiń elimizge memlekettik sapary Rım Papasy Ioann II Pavel Qazaqstanǵa 2001 jyly kelgennen keıin alǵash ret ótip jatyr. Búgin ol elordada messa ótkizedi. Oǵan 3 myńǵa jýyq adam qatysatyny kútiledi.