Abaı kúni aıasynda almatylyq «Qazaqkonsert» uıymynyń Semeıge gastroli josparlanǵan.
On kúndik shara búgin saǵat 15:00-de Abaı oblystyq Nevzorovtar otbasy atyndaǵy beıneleý óneri murajaıynda qos mýzeıdiń birlesken «Ulylar úndeskende» (vernısaj) kórmesimen ashylady, dep habarlaıdy Almaty-akshamy.kz
8 tamyz kúni, ıaǵnı dúısenbi kúni, saǵat 15:00-de Abaı oblystyq Nevzorovtar otbasy atyndaǵy beıneleý óneri murajaıynda qos mýzeıdiń birlesken «Ulylar úndeskende» (vernısaj) kórmesi ashylady.
9 tamyz kúni saǵat 10:00-de oblystyq Abaı atyndaǵy ámbebap kitaphanasynda «Barlyq danalyq kitapta» atty ádebı ekspozısıalar toptamasy ótedi. Onda «Abaı álemi» biregeı basylymdar kitaphanasy», «Qazaq dalasynyń uly perzenti», « Ǵasyrlar úndestigindegi rýhanı mura» toptamalary usynylmaq.
10 tamyzda saǵat 11:30-da «Qazaqkonsert» memlekettik konserttik uıymynyń «El birligi – Jańa Qazaqstan» gastróldik sapary Semeıde bastalady. Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-mýzeıinde Muhtar Áýezovtiń 125 jyldyǵyna arnalǵan «Áýezov álemi» atty dóńgelek ústel otyrysy ótedi. Sondaı-aq «Qazaqkonserttiń» shyǵarmashylyq ujymy jergilikti zıaly qaýym ókilderimen kezdesedi.
11 tamyzda saǵat 17:00-de Abaı atyndaǵy qazaq mýzykalyq-drama teatrynda «Jas Abaı» (avtory T. Ibragımov) qoıylymy kórsetiledi.
12 tamyzda Semeı oblystyq tarıhı-ólketaný mýzeıinde «Abaıdyń aqyndyq mektebi jáne Saparǵalı Álimbetov», «Táńirbergen Ámirenov – Abaıdyń aqyndyq dástúrin jalǵastyrýshy» dáristeri ótip, «Semeı dese, Abaı dep qaraıdy adam...» atty kórme ashylady.
13 tamyzda Dostoevskıı atyndaǵy drama teatrynda «Qara sózder» poetıkalyq qoıylymy kórsetiledi.
14 tamyzda Nevzorovtar otbasy atyndaǵy beıneleý óneri murajaıynda «Ulylar úndeskende» kórmesine ekskýrsıa ótkiziledi: saǵat 12:00-de - qazaq tilinde, 14:00-de - orys tilinde.
15 tamyzda «Darıǵa-aı» jastar teatry Muhtar Áýezovtiń «Ǵajaıyp tragedıasy» spektaklin sahnalaıdy.
16 tamyzda F.M.Dostoevskıı atyndaǵy ádebı-memorıaldyq murajaıda Abaı ómiri men shyǵarmashylyǵyna arnalǵan dáris ótedi.
Semeıdegi Abaı kúnine arnalǵan is-sharalar legi 17 tamyzda Ámire Qashaýbaev atyndaǵy memlekettik fılarmonıanyń «Qalyń elim, qazaǵym, qaıran jurtym» atty konsertimen aıaqtalady.