Qala basshysy Erbolat Dosaev áıeldi avtobýsta kúsh kórsetýden qutqaryp qalǵan Raıymbek Medetbekpen kezdesti. Almaty ákimi oǵan erligi, batyldyǵy men belsendi azamattyq ustanymy úshin alǵys aıtty, sonymen qatar Alǵys hat pen baǵaly syılyqty tabys etti, dep habarlaıdy Almaty-akshamy.kz.
23 jastaǵy Raıymbek Medetbek ál-Farabı atyndaǵy Qazaq ulttyq ýnıversıtetiniń túlegi, Almaty qalasy ekologıa jáne qorshaǵan orta basqarmasynyń «Medeý» memlekettik óńirlik tabıǵı parki» KMM jumys isteıdi.
Jumys barysynda ózin teorıalyq bilimi men praktıkalyq daǵdylary bar jaýapty jáne bastamashyl maman retinde jaqsy jaǵynan kórsetti.
Eske salsaq, buǵan deıin Almatyda er adam avtobýsta áıelge pyshaq salǵan bolatyn. Raıymbek Medetbek pen kýágerlerdiń jedel áreketteriniń arqasynda kúsh kórsetýshi zalalsyzdandyrylyp, áıeldiń ómirin saqtap qaldy.