Senbi kúni 13 qalada aýa sapasy nasharlaıdy. Almaty-akshamy.kz bul týraly Inform.kz-ke silteme jasap habarlaıdy.
17 jeltoqsanda Astana, Almaty, Shymkent, Aqtóbe, Qaraǵandy, Temirtaý, Jezqazǵan, Qostanaı, Kókshetaý, Petropavl jáne Óskemen (2 dárejeli), Semeı (2 dárejeli), Rıdder (2 dárejeli) qalalarynda qolaısyz meteorologıalyq jaǵdaılar kútiledi.
Qolaısyz meteorologıalyq jaǵdaılar – atmosferalyq aýanyń betki qabatynda zıandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy.
Qolaısyz meteorologıalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.