Otandyq jeńil ónerkásip kásiporyndary biryńǵaı mektep formasyn engizýge arnalǵan qanatqaqty jobanyń aıasynda óz ónimderin usyndy, dep habarlaıdy Almaty-akshamy.kz Inform.kz-ke silteme jasap.
«ASTANA Iýtarıa ltd» óndiristik ınovasıalyq kompanıanyń alańynda uıymdastyrylǵan is-sharaǵa memlekettik organdardyń, QazTextileIndustry jeńil ónerkásip kásiporyndary ulttyq birlestiginiń, sondaı-aq óndiristik kompanıalardyń ókilderi jáne mektep oqýshylarynyń ata-analary jınaldy.
Indýstrıalyq damý komıtetiniń tóraǵasy İlıas Ospanovtyń aıtýynsha, qazir elimizdegi mektep oqýshylaryn otandyq ónimmen qamtamasyz etý – basty maqsattardyń biri sanalady.
«Qazir elimizde kıim óndirisi salasynda 800-den astam kásiporyn jumys istep keledi. Kóbine otandyq kıim naryǵy negizinen qadaǵalanatyn satyp alý men memlekettik tapsyrys qajettiligine baǵyttalǵan. 2021 jyldyń qorytyndysy boıynsha kıim óndirisiniń kólemi 54,4 mlrd teńgege jetip, naqty kólem ındeksi 102,3% deńgeıinde baıqaldy. Bul rette 38 tigin kásipornynda mektep formasyn óndirýge arnalǵan ındýstrıalyq sertıfıkat bar ekenin aıta keteıik», - dedi İ.Ospanov.
