Ol úshin jańadan «Qoldau» aqparattyq júıesi iske qosyldy. Oǵan 24 memlekettik organnyń bazasy biriktirilgen.
Almaty qalasy boıynsha Memlekettik kirister departamentiniń málimetinshe, azamattar júıeniń kómegimen bankrot mártebesine ótinish berip, talaptarǵa sáıkestigin avtomatty túrde teksere alady, dep habarlaıdy almaty-akshamy.kz.
Portaldyń taǵy bir artyqshylyǵy – jeke tulǵaǵa ótinishi maquldanbaǵan jaǵdaıda sebebi men qandaı derekterdi túzetý qajettigi týraly habarlama keledi. Shilde aıyndaǵy aqparat boıynsha Almaty qalasynda bankrottyqqa 9 myńǵa jýyq ótinish túsken. Onyń 6,5 myńnan astamy qabyldanbaǵan. Al 730 ótinish boıynsha sottan tys bankrottyq rásimi bastaldy. 1400 azamat bankrot dep tanyldy.
Aıdos Budugulov, Almaty qalasy boıynsha Memlekettik kirister departamentiniń basqarma basshysy:
Kún ishinde ótinim qarastyrylyp, sheshim shyǵady. Talaptarǵa saı bolatyn bolsa, bankrottyq rásimi bastalý týraly jáne ol rásim 6 aı ishinde júrgizilip, 6 aıdan keıin naqty bankrottyq týraly sheshim shyǵarady. Ótinim boıynsha keri qaıtarylǵan bolsa, 3 aıdan keıin qaıta ótinish berýge quqyǵy bar.