Qazaqstandyq faıter Ernat Túgelbekov kezekti jeńisin syrqattan kóz jumǵan anasyna arnady.
Oǵan anasynyń ómirden ótkeni týraly sýyq habar ol jekpe jekke shyǵar aldynda jetken, dep habarlaıdy almaty-akshamy.kz El.kz aqparat agenttigine silteme jasap.
«Balqash jolbarysy» degen laqap atpen jekpe jekke shyǵyp júrgen qazaqstandyq faıter kóz jasyna erik berdi.
Osydan úsh saǵat buryn sýyq habar keldi. Tańerteń anashym Rabbysyna qaıtypty, jany jánnatta bolsyn! Búgin shyqqym kelmegen edi, biraq shyqtym. Aqsha kerek degendeı… Anashym 7 jyl qaterli isikpen kúresti. Anashym, siz osy aýrýdan jazylyp shyqsańyz, Mekkege, Dýbaıǵa aparamyn ba degen oı bolǵan. Jeti jyl kórgen qıynshylyǵyńyzdy aqtaımyn dep oılaǵanmyn. Anam qatty aýyrdy, – deıdi Ernat Túgelbekov.