Almaty ákimi Baqytjan Saǵyntaev Ortalyq komýnıkasıalar qyzmetindegi baspasóz konferensıasynda jýrnalıserdiń suraqtaryna jaýap bere kelip, metro qurylysynyń qarqyny týraly aıtty.
B. Saǵyntaevtyń aıtýynsha, metro qurylysynyń merzimine pandemıa yqpal etti, sonyń saldarynan jumysshylar men mamandardyń jumysqa shyǵýy shekteldi jáne shekara jabyq boldy.
«Metronyń birinshi jelisiniń ekinshi kezeńiniń ekinshi iske qosý kesheniniń quramyna enetin «Saryarqa» jáne «Dostyq» beketteri uzyndyǵy 3,1 shaqyrym metro jelisin qamtıtyn qurylys jalǵasýda. Qazir mundaǵy daıyndyq 80%-dy quraıdy. Jyl sońyna deıin trafıkti testilik rejımde iske qosý josparlanýda», - dedi B.Saǵyntaev.
Buryn habarlanǵandaı, 3,1 shaqyrym metro jelisi Abaı dańǵyly boıymen Altynsarın dańǵylynan batysqa qaraı Momyshuly kóshesine ótedi.
Qazirgi kezde beketterdi ishki árleý, aýmaqty abattandyrý, syrtqy jáne ishki ınjenerlik jeliler men avtomatıka júıelerin jabdyqtaý, sıgnal berý jáne baılanys, tehnologıalyq jabdyqty (tartqysh-tómen túsiretin qosalqy stansıa, jol qozǵalysyn basqarý júıesin avtomattandyrý, jeldetý jáne t.b.) ornatý jumystary júrýde.
Atalǵan beketterden ózge 2020 jyly uzyndyǵy 2,5 shaqyrymǵa sozylǵan Qalqaman beketi jáne jumys isteıtin tonnelderdi qamtıtyn Almatydaǵy metropolıtenniń ekinshi kezeńiniń úshinshi iske qosý kesheniniń qurylysy bastaldy, onyń quramyna Almaty metropolıteniniń ekinshi kezeńiniń Qalqaman beketi jáne uzyndyǵy 2,5 shaqyrym qýma tonnelder enedi.
Sonymen qatar, qalanyń perspektıvalyq damýyn eskere otyryp, batys baǵytta halyqaralyq áýejaıǵa, soltústik jáne ońtústik baǵytta metropolıten salý jobalary qarastyrylýda.
Budan ózge, 8 jańa elektr poıyz quramalary satyp alynýda. Eki beket iske qosylsa, onda jolaýshylar aǵyny táýligine 86 myń adamǵa artady dep boljanýda.