Qala kúninde Almaty ákimi Baqytjan Saǵyntaev bıylǵy oqý jylynda esigin ashqan №199 mektep-gımnazıanyń jańa korpýsynda boldy dep habarlaıdy almaty-akshamy.kz
Bostandyq aýdanyndaǵy №199 gımnazıanyń jańa korpýsy mekteptegi oqýshy ornynńhyń tapshylyǵyn tolyǵymen jabady. Osy ýaqytqa deıin jobalyq qýaty 168 oryndyq mektepte 482 bala oqydy. Oryn jetkiliksiz boldy. Endi 425 oryndyq jańa korpýstyń arqasynda barlyq mektep oqýshylary jaıly jaǵdaıda oqı alady.
«Kóp jumys jasaldy, qazir bizdiń gımnazıanyń keńeıgenine óte qýanyshtymyn. Búginde aýdanymyz ósýde, kóptegen jańa úıler salynýda, oqýshy oryndary jetispeıtindikten, mektepter salý qajet», - dedi qala ákimine bilim berý ardageri Ásem Súleımenqyzy Bespaeva.
Bilim berý obektilerin salý qurylysty sapaly júrgizýge ári mekteptiń jańa korpýsyn barynsha qysqa merzimde paıdalanýǵa berýge yqpal etti: qurylys jumystary ótken jyly bastaldy, al 2021 jyldyń qyrkúıeginde mektep júzdegen oqýshylarǵa esigin ashty.
№199 kórkemdik-estetıkalyq jáne ıtalán tiline mamandandyrylǵan gımnazıa mektebiniń dırektory Sandýǵash Nyshanova bul bilim berý mekemesi 2017 jyly №2 balalar úıiniń ǵımaratynyń bazasynda uıymdastyrylǵanyn atap ótti. 1962 jyly salynǵan eski ǵımarat barlyq qajettilikterdi qanaǵattandyrmady jáne kóp balalarǵa eseptelmegen. Sondyqtan, ákimdik jańa bilim berý ǵımaratyn salý arqyly ony jańǵyrtýǵa sheshim qabyldandy.
«Jańa mektep ǵımaraty úsh qabatty. Onda 240 oryndyq asqana, akt zaly, úlken sport zaly, zamanaýı kitaphana jáne muǵalimder bólmesi bar. Bul ǵımarat zamanaýı mekteptiń barlyq standarttary men normalaryna sáıkes keledi. Synyptar kompútermen jabdyqtalǵan, kórkem sabaqtar ótkizýdiń barlyq arnaıy qurylǵylarymen jabdyqtalǵan», - dedi gımnazıa mektebiniń dırektory.
S. Nyshanova jalpy bilim beretin pánder jańa korpýsta oqytylatynyn, al eski korpýstaǵy sheberhanalar shyǵarmashylyqpen aınalysýǵa saı jabdyqtalatynyn aıtty. Sonymen qatar, eski ǵımaratty óner mektepteriniń standarttaryna saı etip jańartý josparlanýda.
«Jańa korpýsty salyp bergennen ózge bizge qorshaýdy aýystyrdy, aýmaqty abattandyrdy, aǵashtar otyrǵyzdy. Mektepti, kitaphanany bezendirýdiń dızaınyn biz ózimiz jasadyq», - deıdi mektep dırektory.
Almatyda 2021-2022 oqý jylynda jalpy kontıngenti 300 myńnan asatyn 289 mektep bar, onyń 207-si memlekettik jáne 82-si jekemenshik mektepter. Oqýshy oryndarynyń tapshylyǵyn kezeń-kezeńimen sheshý úshin bilim berý obektileriniń qurylysy júrgizilýde.
Jalpy qaladaǵy mektep oqýshylaryna jaıly oqý úderisin qamtamasyz etý maqsatynda bıyl 12 600 oryndyq 8 mektep salynýda: 5100 oryndyq 3 mektep aǵymdaǵy jyldyń jeltoqsanynda beriledi, 2022 j. qalǵan 5 mektep ekinshi toqsanda paıdalanýǵa beriledi. Jalpy, jyl sońyna deıin jalpy sany 16 myń oqýshy orny bar 31 bilim nysany iske qosylady.